Durante un bishita na Erasmus Medisch Centrum (EMC) na Rotterdam e siman aki, Minister di Salubridat i Medio Ambiente i Naturalesa Mrs. Suzy Camelia-Römer i dos miembro di e tim di Regisor i Supervisor Ministerial (MRT) a presensiá firmamentu di e akuerdo di kolaborashon entre HNO i EMC. E akuerdo ta kubri entre otro kolaborashon riba tereno di maneho, transishon, mudansa, kalidat di kuido médiko i tambe akseso na kuido akadémiko pa tur siudadano di Kòrsou. E echo ku ménos ku un aña pasá EMC mes a pasa den un proseso di transishon i mudansa di tres entidat pa unu kompletamente nobo, tabata motibu pa HNO a aserká EMC pa kompartí nan eksperensia riba e tereno aki.