Hospital Nobo Otrobanda (HNO) ta e entidat responsabel pa manehá e proyekto magno di Kòrsou su hòspital nobo. Pues HNO ta responsabel pa entre otro konstrukshon, planifikashon, preparashon di personal di St. Elisabeth Hospital, rekrutamentu, transishon i entrega di e hòspital na momento ku esaki ta kla pa bira operashonal durante kuartal kuater di 2019 komo Curaçao Medical Center. Pues, Hospital Nobo Otrobanda ta e proyekto, i Curaçao Medical Center ta nòmber di e hòspital nobo.