Nos Hendenan

E personal di SEHOS ya ta sinti manera nos hendenan. Huntu nos ta trahando pa hasi e transishon un éksito.

Preparando e Personal

Nos ta pone hopi atenshon i balor na desaroyo di nos futuro personal 

 E funshonnan den hospital nobo a evolushoná i krese ku e avansenan digital. Diseño di e hòspital ta basá riba e konsepto di pone e pashènt sentral, loke lo resultá den fluho di pashènt, prosedura di trabou i un kantidat mas di detaye ku lo kana diferente. E diferensianan akí lo ta visibel tantu pa e personal komo e pashènt. E estilo nobo di traha ta eksigí un preparashon ekstenso di tur nos profeshonalnan den tur skina di e organisashon.

Traha ku HiX

Pa nos pasa pa un espasio digitalisá, nos timnan ta trahando riba e sistema integrá di registro di datonan di pashènt, yamá HiX (Hospital Information Exchange). HiX ta konfigurá na nesesidatnan spesífiko di nos hospital; e ta algu nobo pa mas ku 97% di nos personal. Esaki ta duna un indikashon di e programa di preparashon riguroso ku lo bai tuma lugá pa henter e personal di SEHOS ku ta alrededor di 1200 persona.
Implementashon di HiX ta eksihí preparashon di tur proseso i prosedura den hospital di antemano pa konfigurá HiX. Den tim nos ta traha huntu pa repasá i yega na desishon tokante e formanan ku nos lo logra integrá informashon generá pa mashin, ekípo i hende huntu pa integrá informashon di pashènt den un fail ku ta aksesibel pa tur ku ta enbolbí den kuido di e pashènt. Komo ku HiX ta penetrá den tur funshon i proseso den nos hospital nobo, nos timnan tin profeshonal di tur departamento ku lo traha pa medio di HiX. ‘Werken met HiX’ ta un proyekto klave pa ns hendenan.

Mentalidat di Kambio

E diferente kambionan a trese kuné e nesesidat pa krea un mentalidat nobo pa nos timnan den hospital. Kurso di Liderasgo i di Maneho di Kambio ta den tapara, miéntras ku un tim spesial di eksperto di Rekurso Humano ta fet e konosementu aktual di kada personal ku e konosementu ku ta nesesario pa e ehersé e trabounan den nos hospital nobo. E entusiasmo di tur hende trahando aktualmente den hospital ta papia pa su mes; nos ta gradesido pa esaki. Esaki ta hasi mas sólido nos konfiansa den e agilidat di nos hendenan pa adoptá e pensamentu nobo.

Dòkternan HAPpy

  Dòkternan di kas a keda satisfecho despues di a partisipá na Healthy Hour den House of Change dia 12 i 14 di Mart 2019. E hecho ku den Curaçao Medical Center lo tin un HAP (na Ulandes: Huisartsen Post) ta trese hopi detaye ku ainda no tin klaridat riba dje. Tabata...

Bon Biní na tur futuro trahadó di CMC

Bon Biní na tur futuro trahadó di CMC Awor ku a firma e Sociaal Statuut ku sindikato (CBV) i SEHOS, nos por kontinuá ku e proseso di kolokashon di e personal di SEHOS den e funshonnan di nos hospital nobo, CMC. Nos ta kontentu i orguyoso ku e logro akí i gradesí na...

Tuma kontakto ku nos

HNO Transitie en Exploitatie N.V. House of Change

+599 9 465 7346

Colon Shopping Center, Units G001-G011

info@cmc.cw