Un hospital ultramoderno

E parti di mas visibel di nos transishon ta e edifisio ultramoderno patras di Colon den Otrobanda.

E atrium spektakular di 150 meter largu i 3 piso haltu, nèt meimei di e edifisio ta trese lus natural den e kurason akí di nos tur su hospital.
Mayoria bishitante lo pasa tempu den e Atrium promé ku nan kue rumbo pa nan destinashon den hospital.

Sinembargo, e kambionan mas prinsipal ta den e detayenan ku nos lo no kapta fásilmente. Detayenan manera: un arkitektura inteligente (smart) kreá pa sòru pa un fluho logístiko suave di pashènt, fleksibilidat pa organisá fluho di trabou segun e konsepto pashènt sentral, seis sala di operashon ultramoderno ku por pone hospitalnan den region sinti envidia, ku opshon pa nos spesialistanan hasi operashon online ku otro spesialistanan rònt mundu. E arkitektonan a basa nan diseño riba e siguiente prinsipionan: pashènt sentral, fluho logístiko, fleksibilidat, durabilidat i teknologia komprobá. Ketu bai nos ta usa e prinsipionan akí.

 

Notisia i Mas

Un idea simpel ku ta hasi impakto impreshonante den CMC!

Riba e video aki por mira un kompilashon di vários imágen ku lo bo topa den Curaçao Medical Center. Imágennan típiko di naturalesa, arkitektura i otro áreanan úniko di Kòrsou. Esaki a ser hasí pa iluminá e diferente áreanan, reflehá positivismo i trese bida i koló...

HNO Boletin #6 • Un entrevista ku mas trahadónan orguyoso!

E boletin aki lo kubri entrevistanan ku algun trahadó mas enbolbí den e konstrukshon di Curaçao Medical Center. Suskribí na nos HNO TV Channel riba YouTube pa bo mira e próksimo...

HNO Boletin #4 • Entrevista ku e arkitektonan

HNO Boletin #4 • Entrevista ku e arkitektonan Den e boletin aki lo bo mira entrevistanan ku a wòrdu tene ku arkitektonan enbolbí den e desaroyo di Curaçao Medical Center. Lyongo Juliana ta un arkitekto lokal i e ta responsabel pa e plan urbano, posishonamentu di e...
Nos ta rumbo pa final di konstrukshon. Si! Porfin nos por bisa ku mas konfiansa, ounke ku tin vários aspekto kompliká ku ta pendiente ainda. Nos ta trahando duru pa por kumpli ku tur rekisito nesesario pa habri den e di dos mitar di 2019. E fecha ekstakto lo keda anunsiá despues. Nos ta gradisí na e sosten di otro hospitalnan, manera Erasmus Medisch Centrum di Rotterdam, ku tambe a muda pa nan edifisio nobo na luna di mei 2018 i ku ta hopi dispuesto pa kompartí nan konosementu i eksperensia ku nos.

Tuma kontakto ku nos

+599 9 745 0000

 

J.H.J. Hamelbergweg z/n Willemstad, Curaçao

 

info@cmc.cw