Vakatura

Bo ke djòin nos tim di hospital?
Nos ta kontentu ku bo t’aki i dispuesto na kontribuī bo konosementu i eksperensia pa bienestar di e pashèntnan.

Vakaturanan

Boluntario

Nos mester dibo…
Curaçao Medical Center (CMC) ta buskando boluntarionan inspirá pa yuda ora hospital habri.
Pa kada bishitante un sonrisa, un splikashon kua ruta nan sigui, un kontesta riba kualke pregunta ku por surgi…pa asina brinda trankilidat. Dunando e pashènt e alivio ku e ta buska, bo ta yuda aliviá e personal pa nan por enfoká riba e forma nobo di traha, e kambionan i e ahuste na e sitio di trabou nobo. Pa nan tur ei bo ta trese un alivio i pa abo mes: satisfakshon. Alabes bo por bisa ku bo tambe a aportá na e transishon históriko akí. Inskribí aki: cmc.teamplan.com
Nos ta buskando e siguiente boluntarionan:
• Host / Hostess
• Lider di Warda
• Atministradó(ra) di Boluntarionan

Funshonnan ta den transishon

Aktualmente nos ta den proseso di koloká personal di SEHOS den e funshonnan na CMC, promé ku nos por verifiká kua funshon ta keda habrí pa ofresé públiko den un fase mas despues.
Nos ta prosesá solisitut riba e vakaturanan ku nos kompartí riba e página akí. Sigui anunsio di vakatura den medionan di komunikashon i riba e página aki. Chèk bèk regularmente pa keda informá di e oportunidatnan di trabou na Curaçao Medical Center.

Si bo skohe pa manda bo karta pa otro funshonnan ku nos no a publiká aki, nos lo tene bo informashon den fail i lo tuma kontakto kubo ora tin vakatura ku ta kuadra ku bo konosementu.

Pa mas informashon por fabor tuma kontakto na: vacatures@cmc.cw