Vishon di Kuido

Rumbo pa un nashon salú

Maneho efektivo di kosto di nos hospital nobo ta un parti integral di transishon i nos ta inkorporá esei den tur plan. Banda di esei, kada un di nos por benefisiá di mihó kuido di nos mes salú. No solamente pa e amor pa nos famia i amigunan, pero tambe pa mehorá nos footprint di kuido médiko: Si nos por alkansá un nashon mas salú, nos por karga ku e kosto di kuido, i disfrutá di e nivel di kuido ku nos meresé.
Huntu ku gobièrnu (Ministerio di Salubridat – GMN), nos ta boga pa Kòrsou ta un Wellness Nation (Nashon Salú). Tin un dokumento yamá Zorgvisie (Vishon di Kuido) ku ta pone un base pa yega na un poblashon mas salú. E aktornan prinsipal riba tereno di kuido médiko na Kòrsou a pone kabes huntu pa kompartí i diskutí e Vishon di Kuido akí pa wak kon por yuda nos pais krea e nivel di kuido ku e ta deseá i ku e meresé na un preis ku nos poblashon por karga.
Chèk bèk aki regularmente: nos lo kompartí mas informashon asina ku e plannan kue forma i nos tuma e siguiente pasonan den kuadro di e Vishon di Kuido.